چەند وڵاتێکی کەنداو وەبەرهێنان لە هەرێمی کوردستان دەکەن

ئاڤا نیوز

 

گوتەبێژی دەستەی وەبەرهێنان ڕایگەیاند، خواستی وڵاتانی عەرەبی بۆ وەبەرهێنان لە هەرێم زیادی کردووە.

 

وێنە گەورەکە: لە ماوەی پێنج ساڵی کابینەی نۆیەم دا، بە سەرمایەی زیاتر لە 24 ملیار و 495 ملیۆن دۆلار، مۆڵەت بە 394  پڕۆژە دراوە و کارئاسانی زیاتریش بۆ وەبەرهێنان دەکرێت.

 

لێدوانی فەرمی: بەرگەشت ئاکرەیی، گوتەبێژی دەستەی وەبەرهێنان بە ئاڤا نیوزی گوت، "کابینەی نۆیەم بە سەرۆکایەتی سەرۆکوەزیران بارزانی، گرنگی تەواو بە بووژانەوە و ئاوەدانکردنەوە دەدات و لە ماوەیەکی نزیکدا، کۆمپانیا گەورەکانی، ‌سعودیە و قەتەر و ئیمارات و چەند وڵاتێکی دیکەی کەنداو وەبەرهێنان لە هەرێمی کوردستان دەکەن".

 

زانیاریی زیاتر: پرۆژەی گەورە لە بوارەکانی کەرتی کشتوکاڵ و پیشەسازی و گەشتیاریی ئەنجام دەدرێت و دەرفەتی کار بۆ سەدان هاونیشتمانی دەڕەخسێنێت.

 

ژمارەکان وادەڵێن: لە ماوەی پێنج ساڵی ڕابردوودا، لە زاخۆ تاوەکو خانەقین دەرفەتی کار بۆ زیاتر لە 130 هەزار هاونیشتمانی ڕەخسێنراوە.