ھەفتەی داھاتوو گرفتی پڕۆژەی ئاوی ئیفراز سێ چارەسەر دەبێت

ئاڤا نیوز

 

بەڕێوەبەری ئاوی ھەرێمی کوردستان ڕایگەیاند، ھەفتەی داھاتوو گرفتی پڕۆژەی ئاوی ئیفراز سێ بە تەواوی چارەسەر دەکرێت و کێشەی کەم ئاویش لە ھەولێر کەم دەبێتەوە.

 

وێنە گەورەکە: هەولێر سێ پڕۆژەی ئاوی ئیفرازی هەیە و ساڵانە بە هۆکاری جیاواز دەشکێن، ئیفراز سێ ساڵی 2007 کەوتووەتە کار و زیاتر لە ٪35 ئاوی خاوێنی سنووری هەولێر دابین دەکات.

 

لێدوانی فەرمی: ئاری ئەحمەد، بەڕێوەبەری ئاوی ھەرێمی کوردستان بە ئاڤا نیوزی گوت: "ھەفتەی داھاتوو گرفتی پڕۆژەی ئاوی ئیفراز سێ چارەسەر دەبێت و کێشەی کەم ئاوی کەم دەبێتەوە، بۆ بنبڕکردنی کەم ئاوی بەشێوەیەکی بنەڕەتی لە ھەولێر پێویستمان بە جێبەجێکردنی پڕۆژەی ئاوی ئیفراز چوار ھەیە".

 

بۆچی گرنگە: بەشێک لە کێشەکانی پڕۆژەی ئاوی ئیفراز سێ چارەسەرکراون، ھەفتەی داھاتوو پڕۆژەکە بەتەواوی دەکەوێتەوە کار، ئەمەش کاریگەری زۆر باشی دەبێت لەسەر کەمبوونەوەی کێشەی کەم ئاوی.