بەهۆی گەرماوە كاتی دەوامی فەرمی لە ئێران دەگۆڕێت

ئاڤا نیوز

بەهۆی بەرزبوونەوەی پلەكانی گەرماوە، لە سەرتاسەری ئێران كاتی دەوامی فەرمی فەرمانگەكانی حكومەت دەگۆڕێت.

وێنە گەورەكە: پلەكانی گەرما لەسەرتاسەری ئێراندا بەرزبووەتەوە لە زۆرێک لە ناوچەکان 40 پلەی سیلیزی تێپەڕاندووە و لە شارۆچکەکانی زەهەک و زیرمەند لە پارێزگای سیستان و بەلوجستان گەیشتووەتە 50 پلەی سەدی، بە هۆیەوە حكومەت كاتی دەوامی گۆڕیوە و كەمیشی كردووەتەوە.

ئەوەی پێویستە بیزانیت: دەوامی فەرمی لەسەرتاسەری ئێراندا لە كاتژمێر شەشی بەیانی تا دەی بەیانی دەبێت و لەدوای ئەو كاتەوە هیچ مامەڵەیەكی فەرمی ناكرێت.

ئەمەش بزانە: دەوامی بانكەكان  لە ڕۆژانی شەممە و یەكشەممەدا تا كاتژمێر 11 دەبێت و ڕۆژانی دیكە دەبێتەوە بە كاتژمێر 10.

زانیاریی زیاتر: زۆربەی فەرمانگەكانی حكومەت لە تارانی پایتەخت لە شوێنی زۆر قەڕەباڵغدان وحكومەت بەنیازە شوێنەكانیان بگۆڕێت.

باکگراوند: بە گوتەی ڕۆژنامەكانی ئێران، لە مێژوودا هیچ رۆژێک هێندەی 21ـی تەمموز گەرم نەبووە زانایانی کەشناسی دەڵێن، رۆژی یەکشەممەی رابردوو گەرمترین رۆژی ناو مێژووی نوێ بووە و لە ساڵی 1940 ەوە ئەو گەرمایە تۆمار نەكراوە.