عێراق ژمارەیەک دەرچووی نوێ دادەمەزرێنێت و دانیشتووانی هەرێمی کوردستانی تێدا نییە

ئاڤا نیوز

 

ئەمڕۆ یەکشەممە، ئەنجوومەنی ڕاژه‌ی فیدڕاڵی فەرمانی دامەزراندنی بۆ ژمارەیەکی نوێ لە هەڵگرانی بڕوانامەی باڵا و سێ یەکەمی زانكۆكانی عێراق دەركرد.

 

وێنە گەورەکە: ئەمساڵ هەزاران دەرچووی زانکۆکان لە عێراق فۆڕمی دامەزراندنیان پڕکردووەتەوە، دامەزراندن سێ یەکەمەکانی زانکۆ، دەرچووانی بەشە پزیشکییەکان، هەڵگرانی بڕوانامەی ماسته‌ر و دکتۆرا دەگرێتەوە.

 

لێدوانی فەرمی: سەعد ئه‌للامی، بەرپرسی ڕاگەیاندنی ئەنجوومەنی ڕاژه‌ی فیدڕاڵی به‌ ئاڤا نیوزی گوت: "ئه‌مڕۆ فەرمانی دامەزراندنی 350 کەسمان لە هەڵگرانی بڕوانامەی باڵا و سێ یەکەمەکانی زانكۆكان بۆ ژمارەیەک وەزارەت و دەستە دەرکرد".

باکگراوەند: پێشتر له‌ سێ كۆبونه‌وه‌ی جیاوازدا، ئه‌نجوومه‌نی ڕاژه‌ی فیدڕاڵی فەرمانی دامەزراندنی بۆ هەزار و 880 کەس لە هەڵگرانی بڕوانامەی باڵا و سێ یەکەمی زانكۆكان ده‌ركرد بوو، به‌ڵام دانیشتووانی هه‌رێمی كوردستانی نەگرتەوە.