ئەنقەرە هەڕەشەی بەئامانجکردنی تەلئەڤیڤ دەکات

ئاڤا نیوز

 

ڕەجەب تەیب ئەردۆغان، سەرۆککۆماری تورکیا هەڕەشەی جووڵاندنی هێز بۆ نێو خاکی ئیسرائیل دەکات.

 

کاریگەری و لێکەوتەکانی: ئەم پەیامەی ئەردۆغان، ناکۆکییەکانی نێوان تورکیا و ئیسرائیل قووڵتر دەکات.

 

لێدوانی فەرمی: ڕەجەب تەیب ئەردۆغان لە کۆبوونەوەی ئاکپارتی گوتی: "چۆن چووینە نێو خاکی قەرەباخ و لیبیا، بەهەمان شێوە دەتوانین ئەمەش لەگەڵ ئیسرائیل بکەین".

 

قووڵتر:  تورکیا سەرجەم پەیوەندییە بازرگانی و دیپلۆماسییەکانی لەگەڵ ئیسرائیل پچڕاندووە وەک هەنگاوێک بۆ سزادانی ئەو وڵاتە و ڕێگریکردن لە "تاوانکارییەکانی غەززە".

 

لەلایەکی دیکەوە: ئەردۆغان گلەیی لە مەحموود عەباس، سەرۆکی فەڵەستین هەیە بەوەی وەڵامی نەبووە بۆ بانگهێشتەکەی بۆ ئەنقەرە سەبارەت بە پێشکەشکردنی گوتارێک لە پەرلەمانی تورکیا.