لە ڕیزبەندی پیسترین شارەكان بەغدا 13 هەمین شاری جیهانە

ئاڤا نیوز

 
لە ریزبەندیی ئامارێکی نێودەوڵەتیی بۆ پێوانی ژینگە و هەوای شارەکانی جیهان، جیاوازییەکی بەرچاو لە نێوان بەغدا و هەولێردا هەیە.

وێنەگەورەکە: گۆڕانی کەشوهەوا و پیسبوونی ژینگە پرسێکی جیهانییە؛ لە عێراقیش بەردەوام هۆشداری لە پیسبوونی ژینگە و هەوای وڵاتەکە بەگشتی و بەغدای پایتەخت بەتایبەتی دەدرێت.

لێدوانی فەرمی: فازڵ غەڕاوی، سەرۆکی ناوەندی ستراتیژی بۆ مافەکانی مرۆڤ ڕایگەیاند: '' بەگوێرەی ئەو ئامارە نێودەوڵەتییانەی کە بەدەستیان گەیشتووە، بەغدا لە ریزبەندی پیسترین شارەکانی جیهاندا پلەی 13ـەمینی گرتووە، جیاوازییەکی بەرچاو لە نێوان رێژەی پیسبوونی ژینگە و هەوای هەولێر و بەغدا هەیە و هەولێر لە پلەی 336ـەمینی جیهاندایە".

ئەوەی پێویستە بیزانیت: بەگوێرەی دوایین ئاماری به‌ڕێوه‌به‌رایەتی ئه‌ندازه‌ی پارك و باخچه‌كانی هه‌ولێر، هەوڵە بەردەوامەکانی کابینەی نۆیەم و گرنگیدان بە پرسی ژینگە، وایکرد رێژەی سەوزایی لە هەولێر بگاتە 20٪.

ئەمەش بزانە: ڕێژەی چڕیی دووەم ئۆکسیدی کاربۆن لە عێراق لە سێ ساڵی ڕابردوودا تا ساڵی 2024 بە ڕێژەی حەوت هێندەی ساڵی 2021 زیادی کردووە، ئێستاش ساڵانە بە ڕێژەی 4.88٪ زیاد دەکات.