نەتەنیاهۆ لە گوتارەكەیدا باسی هەنییەی نەكرد

ئاڤا نیوز

سەرۆكوەزیرانی ئیسرائیل گوتارێكی لەبارەی ئاڵۆزییەكانی ناوچەكە بڵاوكردەوە، باسی لە كوشتنی چەندین كەس كرد بەڵام باسی لە كوشتنی ئیسماعیل هەنییە نەكرد.

وێنە گەورەكە: لە سووریا فەرماندەیەكی دیكەی سوپای پاسداران لەلایەن ئیسرائیلەوە كوژرا، لە 24 كاتژمێری ڕابردوودا چەندین ئەندامی باڵای حیزبوڵڵا كوژراون و بەرەبەیانی ئەمڕۆش ئیسماعیل هەنییە بەرپرسی مەكتەبی سیاسی حەماس لە تاران كرایە ئامانج و كوژرا.

لێدوانی فەرمی: لە گوتارەكەیدا بنیامین نەتەنیاهۆ سەرۆكوەزیرانی ئیسرائیل، باسی لە ئاڵۆزییەكانی ئیسرائیل و حەماس و ئێران وحزبوڵڵا و ئەو سەركردانە كرد، كە لەلایەن وڵاتەكەیەوە كوژراون، بەڵام بەیەك وشەش باسی لە كوشتنی ئیسماعیل هەنییە نەكرد.

زانیاریی زیاتر: "هەر شەڕێك ڕووبدات لە ناوچەكەدا ئێمە بەرگریی لە خۆمان دەكەین  ڕووبەڕووی هەموو هێرشێك دەبینەوە". نەتەنیاهۆ وای گوت.