هاوکاریی سەرۆکوەزیران بارزانی بۆ ڕزگاربووانی دەستی داعش دەستپێدەکات

ئاڤا نیوز

 

بەبڕیاری سەرۆکوەزیران بارزانی، هاوکارییەکی تایبەت دابیندەکرێت  بۆ ئەو کچ و کوڕانەی لەدەستی داعش ڕزگارکراون.

وێنە گەورەکە: لەماوەی ڕابردوودا لەڕێگەی نووسینگەی ڕزگارکردنی ڕفێنراوانی ئێزدی، هەزاران کوڕ و کچی ئێزدی لە دەستی داعش ڕزگارکراون.

زانیاریی بەدەستهاتوو: بەپێی سەرچاوەیەک لە نوسینگەی سەرۆکوەزیران بارزانی ئەمڕۆ ئەم دەست بە دابەشکردنی هاوکارییەکە دەکرێت، ئەم هاوکارییە هەموو ئەو کچ و کوڕە ڕزگاربووانەی دەستی داعش دەگرێتەوە، کە لە دەرەوەو ناوەوەی وڵات نیشتەجێن و ژمارەیان سێ هەزار و 575 کەسە.

ئەوەی پێویستە بیزانیت: بۆ ماوەی چوار ڕۆژ هاوکارییەکەی سەرۆکوەزیران بارزانی وەردەگرن، ڕۆژی یەکەم لە کەمپی شاریا، ڕۆژی دووەم لە خانکێ، ڕۆژی سێیەم لە شێخان و ڕۆژی چوارەم لە دێرەبوون دەبێت.

زانیاریی زیاتر: هەڵبژاردنی ئەم ژمارە دیاریکراوەی کچان و کوڕانی ئێزدی ڕزگاربووی دەستی داعش بۆ وەرگرتنی هاوکارییەکە، لەسەر بنەمای پێشکەشکردنی بەڵگەنامەو پشتڕاستکردنەوەی زانیارییەکان دەبێت.