لە ئیسرائیل زەنگی ئاگاداركردنەوە لێدەدرێت

ئاڤا نیوز

 

لە ڕۆژئاوای جەلیل و میرۆن لە باكووری ئیسرائیل، دەنگی زەنگی ئاگاداركردنەوە دەبیسترێت و مەترسی هێرشی تۆڵەی خوێنی سەرۆكی مەكتەبی سیاسی بزووتنەوە حەماس لەلایەن ئێرانەوە  لە ئارادیە.

وێنە گەورەكە: وڵاتانی جیهان چاویان لەسەر هێرشی تۆڵەی ئێرانە بۆ سەر ئیسرائیلە، میدیاكانی نزیك لە ئیسرائیل باس لە لێدانی زەنگی ئاگادركردنەوە دەكەن كە ئاماژەیە بۆ ئاگاداركردنەوەی هاووڵاتیان لە ئەگەری هێرشی ئێران.

كاردانەوەكان: ئەمریكا ڕایگەیاندووە، لە ئەگەری هەر هێرشێكی ئێران  بۆ سەر ئیسرائیل دۆخی ناوچەكە بە تەواوی دەشڵەقێت و كاردنەوەی لێدەكەوێتەوە، هاوكات ئوردن هۆشداری داوەتە ئێران لەوەی ئاسمانی وڵاتەكەی بە دوور بگرێت لە هێرش بۆ سەر ئیسرائیل.

لە لایەكی دیكەوە: میسڕ داوای لە ئەمریكا كردووە، فشار بخاتە سەر ئیسرائیل بۆ ڕێگریكردن لە هەڵگیرسانی شەڕی ناوچەیی.

كاریگەری و لێكەوتەكانی: وڵاتان هۆشداری دەدەنە هاووڵاتیان لەوەی سەردانی لوبنان، ئێران، ئیسرائیل نەكەن، بەشێكی زۆری كۆمپانیاكانی هێڵی فڕۆكەوانی گەشتەكانیان ڕاگرتووە.