ئیسرائیل سەرکردەیەکی حیزبوڵڵا لە لوبنان دەکاتە ئامانج

ئاڤا نیوز

سوپای ئیسرائیل سەرکردەیەکی حیزبوڵڵا لە لوبنان دەکاتە ئامانج. ڕوانگەی سووریش ڕەتیدەکاتەوە هێرش کرابێتە سەر فڕۆکەخانەی حەلەب.

چیرۆکی سەرەکی: ئەمڕۆ دووشەممە هەواڵی ئەوە بڵاوکرایەوە سوپای ئیسرائیل لە یەک کاتدا بە فڕۆکەی بێفڕۆکەوان هێرشی کردبێتە سەر فڕۆکەخانەی حەلەب لە سووریا و ناوچەی بنت جبێل لە لوبنان.

زانیارییە بەدەستهاتووەکان: بەپێی میدیاکانی لوبنان، سوپای ئیسرائیل لەڕێگەی فڕۆکەی بێفڕۆکەوان ئۆتۆمبێلێکی لە ڕێگای گشتی بنت جەبیل لە باشووری لوبنان کردووەتە ئامانج. دەنگۆی کوژرانی محەممەد علویە، بەرپرسی ناوچەی مارۆن رەئس لە حیزبوڵڵای لوبنان هەیە.

•  
• لەلایەکی دیکەوە: ڕوانگەی سووری بۆ مافەکانی مرۆڤ ڕەتیدەکاتەوە  فڕۆکەخانەی حەلەب لە سووریا لەلایەن فڕۆکە جەنگییەکانی ئیسرائیلەوە هێرشی کرابێتە سەر. ڕاشیگەیاند، ئەو دەنگە بەرزانەی بیستراون دەنگی تەقینەوەی پاشماوەی جەنگ بوون.
•