ئەمریكا: بەپەرۆشین هەناردەی نەوتی هەرێمی كوردستان دەستپێبكاتەوە

ئاڤا نیوز

بەرپرسی دێسکی عێراق لەوەزارەتی دەرەوەی ئەمریكا ڕایگەیاند " بەپەرۆشین هەناردەی نەوتی هەرێمی كوردستان دەستپێبكاتەوە".

 

وێنە گەورەکە: لە 25-3-2023 بە بڕیاری دادگەی ناوبژیوانی پاریس هەناردەکردنی نەوتی هەرێمی کوردستان ڕاگیرا. سەرەڕای پابەندییەکانی حکومەتی هەرێمی کوردستان بە ڕێککەوتنەکان لەگەڵ حکومەتی عێراق بەڵام تاوەکو ئێستا هەنگاوی ڕژد نەنراوە. 

لێدوانی فەرمی: پێشەوا هەورامانی، گوتەبێژی حكومەتی هەرێمی كوردستان ڕایگەیاند: لە باڵەخانەی وەزارەتی دەرەوەی ئەمریکا لەگەڵ تریفە عەزیز بەرپرسی نوێنەرایەتی حکومەتی هەرێمی کوردستان لە ئەمریکا، لەگەڵ ئێرن نووتن بەرپرسی دێسکی عێراق لەوەزارەتی دەرەوە کۆبووینەوە.

بابەتی ستراتیژی: پرسی هەڵبژاردن، دەستپێکردنەوەی ناردنە دەرەوەی نەوتی هەرێمی کوردستان، پەیوەندییەکانمان لەگەڵ حکومەتی فیدراڵ و بابەتی مووچەو بودجەی هەرێمی کوردستان بەدرێژی قسەیان لەسەرکرا. پێشەوا هەورامانی وا دەڵێت.

لەلایەكی دیكەوە: ئێرن نووتن، بەرپرسی دێسکی عێراق لەوەزارەتی دەرەوەی ئەمریكا ڕایگەیاند: ئەمریکا بە پەرۆشەو جدییە لەوەی ناردنە دەرەوەی نەوتی هەرێمی کوردستان دەستپێبکاتەوە، بۆ ئەم بابەتەش لە پەیوەندی بەردەوامدان.