ژمارەیەک ئەفسەر و کارمەند لە قاچاخچێتی نەوتی خاو تێوەدەگلێن

ئاڤا نیوز  

دەزگای ئاسایشی نیشتمانی عێراق دەستگیركردنی تۆڕێكی 10 كەسی ڕاگەیاند كە تۆمەتبارن بە كونكردنی بۆری نەوت و بە قاچاخبردنی لە پارێزگای بەسرە.

وێنە گەورەکە: گەندەڵی لە عێراق لە دوای ساڵی 2003ـەوە زۆربه‌ی دامەزراوەکانی دەوڵەتی گرتووەتەوە، ڕۆژانە چەندین بەرپرس و ئەفسەری پلە باڵا و فەرمانبەری ئاسایی لەسەر دۆسیەکانی گەندەڵی دەستگیر دەکرێن.

ڕاگەیێنراوی فەرمی: دەزگای ئاسایشی نیشتمانیی عێراق ڕایگەیاند: "مەفرەزەکانی دەزگای ئاسایشی نیشتمانی لە بەسرە تۆڕێکیان دەستگیرکرد کە ژمارەیەک لە ئەفسەران و کارمەندانیان تێدایە و لە قاچاخچێتی نەوتی خاو تێوەگلاون.

زانیاریی زیاتر: لەنێو دەستگیکراوەکاندا شارەزایەکی کونکردنی بۆری هەبووە، کە بەرپرس بووە لە کردەکانی کونکردن لە پێنج ناوچەی پارێزگای بەسرە. هاوکات دەستیش گیراوە بەسەر ژمارەیەک تانکەر لەکاتی بارکردنی نەوتدا.