عێراق سه‌ركۆنه‌ی هێرشه‌كه‌ی ئیسرائیل ده‌كات

ئاڤا نیوز

وه‌زاره‌تی ده‌ره‌وه‌ی عێراق، سه‌ركۆنه‌ی هێرش و په‌لاماره‌كانی ئیسرائیلی كرد بۆ سه‌ر ئاواره‌‌كانی غه‌ززه‌، كه ‌ده‌یان قوربانی لێكه‌وته‌وه‌.

وێنە گەورەکە: بەرەبەیانی ئه‌مرۆ شەممە، لە ئەنجامی هێرشیكی ئاسمانی ئیسرائیل بۆ سەر قوتابخانەی "تابعین"، کە خەڵکی ئاوارەی گەڕەکی "دەرراج"ـی  ڕۆژهەڵاتی شاری غەززە تێیدا نیشته‌جێبوون، زیاتر لە 100 فەلەستینی کوژران و دەیانی دیكه‌ش برینداربوون.

ڕاگه‌یێنراوی فه‌رمی: وه‌زاره‌تی ده‌ره‌وه‌ی عێراق بڵاوی كرده‌وه‌: عێراق به‌ تووندیی سەركۆنەی هێرشه‌كه‌ی به‌ره‌به‌یانی ئه‌مڕۆی ئیسرائیل بۆسه‌ر قوتابخانه‌ی " تابعین" له‌شاری غه‌ززه‌ ده‌كات، كه‌ بووه‌ هۆی گیانله‌ده‌ستدانی 100 هاوڵاتی فه‌له‌ستینی سڤیل و برینداربوونی ده‌یانی دیكه‌.

زانیاریی زیاتر: وه‌زاره‌تی ده‌ره‌وه‌ی عێراق داوای له‌ كومه‌ڵگه‌ی نێوده‌وڵه‌تی و به‌تایبه‌ت وڵاتانی ئیسلامی كرد، هه‌ڵوێستێكی جددی وه‌ربگرن سه‌باره‌ت به‌ هێرشه‌كانی ئیسرائیل كه‌ له‌گه‌ڵ به‌ها مرۆییه‌كاندا یه‌كناگرێته‌وه‌ و پێشیلكاری سه‌ختی یاسا نێوده‌وڵه‌تییه‌كانه‌.