نرخی نەوت و زێڕ لە بازاڕەكانی جیهاندا بەرزە

ئاڤا نیوز

ئەمڕۆ یەكشەممە لەگەڵ كردنەوەی بازاڕی بۆرسەی جیهان نرخی زێڕ و نەوت کەمێک بەرزبووەوە، یەك ئۆنسە زێڕ بە دوو هەزار و 435 دۆلارە و یەک برمیل نەوتی خاوی برێنتیش بە 79 دۆلارە.

وێنە گەوركە: هەفتەیەكە نرخی زێڕ و نەوت لە بازاڕەكانی جیهاندا بە بەرزی ماونەتەوە، ئەمڕۆ یەكشەممە یەك ئۆنسە زێڕ نزیكەی حەوت دۆلار بەرزبووەتەوە و نەوتیش 70 سەنت بەرزبووەتەوە.

ژمارەكان وادەڵێن: نرخی یەك ئۆنسە زێڕ لە بازاڕەكانی جیهاندا بە دوو هەزار و 435 دۆلارە و نرخی نەوتیش بەمشێوەیە:

 یەك بەرمیل نەوتی برێنت 79دۆلار و 91 سەنت.
یەك بەرمیل نەوتی ئۆپیك 78 دۆلار و 74 سەنت
یەك بەرمیل نەوتی تێكساس77 دۆلار و 22 سەنت

هۆکارە زانراوەکان: بەرزبوونەوەی نرخی نەوت لە بازاڕەكانی جیهاندا پەیوەستە بە خواستی زیاتر لەسەر نەوت و، كەمكردنەوەی بەرهەمهێنان لەلایەن ئۆپیك و ئۆپیك پڵەس و ئەمریكاوە.  یەکێک لە هۆکارەکانی بەرزبوونەوەی نرخی زێڕیش بۆ مەتەرسیی فراوانبوونی گرژی و ئاڵۆزییەکان دەگەڕێتەوە.