حووسییەکان کەشتییەکیان کردە ئامانج کە بەڕێوەبوو بۆ ئێران

ئاڤا نیوز

 

حووسییەکان ژمارەیەک مووشەکیان ئاراستەی کەشتییەک لە دەریای سوور کردووە، کە بەڕێوە بووە بەرەو ئێران، ئەمەش یەکەمجارە حووسییەکان کەشتییەک بکەنە ئامانج کە بەرەو ئێرانەوە بڕوات.

 

ڕاگەیێنراوی فەرمی: فەرماندەیی ناوەندیی سوپای ئەمریکا (سێنتکۆم) ڕایگەیاند: حووسیەکانی یەمەن لە گەرووی بابولمەندەب بە دوو مووشەک هێرشیان کردووەتە سەر کەشتیی ستار ئیریسی یۆنانی، ئاڵای دوورگەکانی مارشاڵی بەسەرەوە بووە، کە گەنمەشامی لە بەرازیلەوە گواستووەتەوە. 

 

لەلایەکی دیکەوە: عەمید یەحیا سەریع، گوتەبێژی سەربازیی حووسییەکان ڕایگەیاند: کەشتی ستار ئیریسیان بە ژمارەیەک مووشەک لە دەریای سوور کردووەتە ئامانج و ئامانجەکەش بەوردی پێکراوە.

 

ئەوەی پێویستە بیزانیت: کەشتییەکە هێشتا توانای ڕۆیشتنی هەیە، زیانی کەمی پێگەیشتووە و کەسیش بریندار نەبووە.