بایدن: وەڵامدانەوەی ئەمریکا لە عێراق و سووریا بەردەوام دەبێت

ئاڤا نیوز

 

ئەمریکا جەخت دەکاتەوە کە وەڵامدانەوەی ئەمریکا لە عێراق  و سووریا لە بەرامبەر کوژرانی سێ سەربازیان لە ئوردن بەردەوام دەبێت. 

 

وێنە گەورەکە: دوای ئەوەی لە ڕۆژی 28ـی مانگی ڕابردوو گرووپی مقاوەمەی ئیسلامی هێرشی کردە سەر بنکەی تاوەر 22ـی ئوردن و بووە هۆی کوژرانی سێ سەرباز و برینداربوونی دەیان سەربازی دیکەی ئەمریکی، ئەمریکای توڕەکرد و لە 02ـی ئەم مانگە لە عێراق و سووریا هێرشی کردە سەر گرووپە چەکدارەکانی نزیک لە ئێران، ئەمریکا جەخت دەکاتەوە کە بەردەوام دەبن لە وەڵامدانەوە. 

 

لێدوانی فەرمی: جۆ بایدن لە کۆنگرەیەکی ڕۆژنامەنووسیی هاوبەش لەگەڵ شا عەبدوڵـڵای دووەم، شای ئوردن ڕایگەیاند: گفتوگۆیان لەبارەی چەند پرسێکەوە کردووە، لەوانەش جەنگی غەززە و ئۆپەراسیۆنە سەربازییەکانی ئەمریکا لە عێراق و سووریا.

 

زانیاریی زیاتر: بایدن بە شای ئوردنی گوتووە، لەدوای هێرشەکەی سەر سەربازانی ئەمریکا لە سنووری ئوردن، واشنتن چەندین ئامانجی لە عێراق و سووریا بۆردوومان کردووە و لە وەڵامدانەوەکانیان بەردەوام دەبن.