سێ هزار دار و نەمام دێ ل ئاکرێ هێنە چاندن

ئاڤا نیوز

بڕیارە سێ هزار دار و نەمام ل ئاکرێ بهێنە چاندن و باژێرڤانیا وێ قەزایێ ژی ڕاگەهاند، دێ ڕێژەیا کەسکاتیێ ل وی سنوورێ گەهینە 20%ـێ.

داخویانیا فەرمی: بلند ڕەزا، سەرۆکێ باژێرڤانیا ئاکرێ بۆ ئاڤا نیوز ڕاگەهاند، ل دەستپێکا هەیڤا داهاتی دێ سێ هزار دار و نەمام ل سەنتەرێ ئاکرێ هێنە چاندن، کو هەمی بەرهەمێ نەمامگەها ئاکرێیە.

زانیاریێن زێدەتر: د نوکە دا ڕێژەیا کەسکاتیێ ل قەزا ئاکرێ 12ـ%ـێیە و باژێرڤانیا وێ قەزایێ دبێژیت، پلان هەیە وی ڕێژەیێ بگەهینە 20%ـێ.

ئەوا پێدڤیە بزانی: ل ئاکرێ نەمامگەهەک هەیە و سالانە 25 هزار دار و گول و نەماما بەرهەم دئینیت.

باکگراوند: سالا دەربازیی ل سەنتەرێ قەزا ئاکرێ 10 هزار دار و نەمام هاتنە چاندن.