عێراق ملیۆنێک بۆمبی قەدەغەکراو لە کۆریای باشوور دەکڕێت

ئاڤا نیوز

عێراق گەورەترین هاوردەکاری بۆمبی فرمێسکڕێژی کۆریای باشوورە و لە ساڵی پارەوە زیاتر لە یەک ملیۆن بۆمبی هاوردە کردووە، ئەمە لەکاتێکدایە کۆریای باشوور 25 ساڵە بەکارهێنانی ئەو بۆمبەی قەدەغە کردووە.

 

زانیاریی بەدەستهاتوو: بەگوێرەی ئەو داتایانەی دەزگای پۆلیسی نیشتیمانی بە یۆنگ های ئین، ئەندامی لیژنەی کارگێڕیی گشتی و ئاسایشی  پەرلەمانی کۆریای باشووری داوە، لە ساڵی 2019 تا نیوەی یەکەمی هەمان ساڵ، وڵاتەکە نزیکەی 4.73 ملیۆن بۆمبی گازی فرمێسکڕێژی هەناردە کردووە.

 

زانیاریی زیاتر: عێراق لە ڕیزبەندی یەکەمی ئەو وڵاتانە دێت کە ئەو جۆرە بۆمبەی لە کۆریاوە هاوردە کردووە، بەجۆرێک ساڵی ڕابردوو بۆ جاری یەکەم 732 هەزار بۆمبی هاوردە کردووە، لە نیوەی یەکەمی ئەمساڵیش 478 هەزار بۆمبی دیکەی هاوردە کردووە.

 

ئەوەی پێویستە بیزانیت: ئەندەنووسیا لە پلەی دووەم دێت بە کڕینی 649 هەزار بۆمب، دوای ئەو فلیپین 625 هەزار و مالاوی 398 هەزار بۆمبیان لە کۆریای باشوور کڕیوە.

 

ئەمەش بزانە: بەشێوەیەکی سەرەکی بۆمبی گازی فرمێسکڕێژ بۆ کۆنترۆڵکردنی خۆپێشاندان و گردبوونەوە ناڕەزایەتییەکان لەلایەن حکومەتەکانەوە بەکاردەهێنرێت، لەکاتێکدا بەهۆی مەترسیی کاریگەرییەکانی ئەو گازە لە ساڵی 1999ـوە حکومەتی کۆریا بەکارهێنانی ئەو گازەی قەدەغە کردووە.