تورکیا بەهۆی ئاگرەوە زەنگی ئاگادارکردنەوە لێدەدات

ئاڤا نیوز

ئاگرێکی گەورە 72 شوێنی تورکیا دەگرێتەوە، بە گوتەی دەسەڵاتدارانی ئەو وڵاتە ئاگرەکە لە 69 ناوچە کۆنترۆڵ کراوە، بەڵام ئاگری نوێ کەوتوونەتەوە. 

وێنە گەورەکە: ماوەی دوو ڕۆژە لە بەشی ڕۆژئاوای تورکیا ئاگرێکی گەورە کەوتووەتەوە و نزیکەی چوار هەزار هێکتار زەوی سووتاوە. لە بەشی باکووری تورکیاشەوە لە چەند لایەکەوە ئاگر کەوتووەوە و بەرەو باشوور تەشەنەی سەنووەد، هێشتاش لە 8 ناوچە کۆنترۆڵ نەکراوە.

 

هۆکارە زانراوەکان: ژمارەیەک هاووڵاتی دەستبەسەر کراون کە لەکاتی گەشتکردن ئاگریان کردووەتەوە، دواتر بەهۆی باوە تەشەنەی کردووە. بەشێک لە میدیاکانی تورکیاش گەریلاکانی پەکەکە تۆمەتبار دەکەن.

 

زیانە سەرەکییەکان: دەیان گوند سووتاون، 600 هەزار هێکتار زەوی دارستانەکان سووتاوە، زیاتر لە 4 هەزار هاووڵاتی ماڵەکانیان چۆڵ کردووە و نزیکەی 80 کەس بریندارن.

 

لێدوانی فەرمی: ئبیراهیم یوماکڵی، وەزیری کشتوکاڵ و دارستانی تورکیا ڕایگەیاند، هاووڵاتیان ئاگادار دەکەینەوە، ئەم چەند ڕۆژە بۆ تورکیا مەترسیدارە و ئەگەری ئاگرکەوتنەوە لە 12 شارۆچکە هەیە.