ئەمڕۆ دەست بە ناردنی مووچەی مانگی حەوت دەکرێت

ئاڤا نیوز

بریکاری وەزارەتی دارایی عێراق ڕایدەگەیێنی، ئەمڕۆ دەست بە خەرجکردنی مووچەی مانگی حەوت دەکرێت و یەکەم گوژمەی پارە دەنێردرێت.

لێدوانی فەرمی: مەسعود حەيدەر، بريكارى وەزارەتی دارایی عێراق لە ڕاگەیێنراوێکدا ڕایگەیاند: دوای تەواوکردنی زۆربەی کارەکانی دیوانی چاودێریی دارایی فیدراڵی، ئەمڕۆ وەزارەتی دارایی عێراق  بەشێک لە مووچەی فەرمانبەرانی ھەرێم بۆ مانگی حەوت خەرج دەکات.

 

زانیاریی زیاتر: مەسعود حەیدە ئاماژەی بۆ ئەوە دەکات، لەم هەفتەیەدا تەواوی مووچەی مانگی حەوت خەرج دەکرێت. پێشتریش سوودانی ڕەزامەندی لەسەر ناردنی مووچەی سەرجەم فەرمانبەرانی مەدەنی و هێزە ئەمنییەکان دەربڕیبوو.

لەلایەکی دیکەوە: سەرچاوەیەک لە وەزارەتی دارایی و ئابووری هەرێمی کوردستان بە ئاڤا نیوزی گوت: لەگەڵ گەیشتنی پارە ڕاستەوخۆ لیستی مووچە ڕادەگەیێنین و دەست بە دابەشکردنی دەکەین.