لە ئێران 28 زیارەتکاری پاکستانی گیانیان لەدەست دا

ئاڤا نیوز

لە ڕووداوێکی هاتووچۆدا لە ئێران 28 زیارەتکاری پاکستانی گیانیان لەدەست دا و 23ی دیکەش برینداربوون  کە بەرەو کەربەلا بەڕێگاوەبوون.

وێنە گەورەکە: ساڵانە بە ملیۆنان موسلڵمانی شیعە مەزهەب لە چەندین وڵات بەتایبەت لە ئێران و پاکستان ڕوو لە عێراق دەکەن، بۆ بەشداریکردن لە ڕێوەڕەسمی چلەی ماتەمینی شەهیدکردنی ئیمامی حوسێن کە ئەمساڵ دەکاتە ڕۆژی یەکشەممە 25ی ئەم مانگە.

ڕاگەیێنراوی فەرمی: میدیا فەرمییەکانی ئێران ڕایانگەیاند: ڕووداوێکی هاتووچۆی خوێناوی لە ویلایەتی یەزدی ناوەڕاستی ئێران ڕوویداوە و پاسێکی زیارەتکاران وەرگەڕاوە، بەهۆیەوە  28 زیارەتکاری پاکستانی گیانیان لەدەست داوە و 23 کەسیش بریندار بوون. زیارەتکارەکان بە  پاس بەرەو کەربەلا دەچوون بۆ بەشدارییکردن لە مەراسیمەکانی چلەی شەهیدکردنی ئیمامی حوسێن.

ئەوەی پێیوستە بیزانیت: چلەی ماتەمینی ئیمام حوسێن بە یەکێک لە گرنگترین ڕووداوەکان لە مەزهەبی شیعە دادەنرێت، بۆیە لە سەرتاسەری جیهانەوە شیعەمەزهەبەكان سەردانی مەزارگەی ئیمامی حوسێن دەکەن لە شاری کەربەلا.