بۆ چوارەم ڕۆژ لەسەریەک نرخی زێڕ بەردەوامە لە بەرزبوونەوە

ئاڤا نیوز

بۆ چوارەم ڕۆژ لەسەریەک نرخی زێڕ بەردەوامە لە بەرزبوونەوە و ڕیکۆردی نوێ دەشکێنێت. 

چیرۆکی سەرەکی: نرخی زێڕ لە مامەڵەکانی ئەمڕۆیدا ئاستێکی نوێی دیکەی تۆمار کرد، لە گرێبەستە خێراکانی نرخی هەر ئۆنسەیەک بۆ 2514.14 دۆلار بەرزبووەوە، لە گرێبەستەکانی داهاتووشی بۆ مانگی کانوونی یەکەم بە ڕێژەی 0.10 بۆ 2552.52 دۆلار بەرزبووەوە.

وێنە گەورەکە: نرخی زێڕ لەم مانگەدا شەشەمین جارە ڕیکۆردی بەرزبوونەوە تۆمار بکات، گەیشتووەتە بەرزترین ئاست لە مێژووی خۆیدا و هاوشێوەی نەبووە. لە هەمانکاتدا وەبەرهێنەران بەوردی چاودێری گوتاری سەرۆکی ئەنجوومەنی یەدەگی فیدراڵی ئەمریکا لە دیداری جاکسۆن هۆڵ دەکەن، کە ڕاستەوخۆ کاریگەری لەسەر جووڵەی ئەو کانزا زەردە دەبێت. 

هۆکارە زانراوەکان: پێشبینییەکان بۆ دابەزاندنی نرخی سووی بانکی لە ئەمریکا لە مانگی ئەیلوولی داهاتوو، هۆکاری سەرەکی بەرزبوونەوەی نرخی زێڕن، سەرەڕای ئەوەی پێنوێنی دۆلار بەرامبەر بە سەبەتەی شەش دراوە سەرەکییەکە سەقامگیر بووە و گەیشتووەتە 101.5 خاڵ.