ئاوڵەی مەیموون گەیشتە تایلەند

ئاڤا نیوز

شانشینی تایلەند تۆمارکردنی یەکەم تووشبووی بە نەخۆشیی ئاوڵەی مەیموون ڕاگەیاند.

چیرۆکی سەرەکی: بەگوتەی تۆنگچای کیراتیتایکۆرن، سەرۆکی سەنتەری کۆنترۆڵکردنی نەخۆشی لە تایلەند، نەخۆشەکە لە 14ی ئەم مانگە گەیشتووەتە بانکۆکی پایتەخت، دوای ئەوەی نیشانەکانی نەخۆشیی ئاوڵەی مەیموونی لێ دەرکەوتووە، ڕۆژی دواتر گەیەنراوەتە نەخۆشخانە.

 ئەوەی پێویستە بیزانیت: نەخۆشەکە تەمەنی 66 ساڵە، ئەوروپییە و لە وڵاتێکی ئەفریقاوە چووەتە تایلەند.

ئەوەی لەبارەیەوە دەگوترێت: تۆنگچای لە کۆنگرەیەکی ڕۆژنامەوانیدا ڕایگەیاند: "ئێمە پشکنینمان کردووە و کەسەکە بەدڵنیاییەوە تووشی ئاوڵەی مەیموون بووە، بەرپرسانی تەندروستی چاودێری 42 کەسی دیکە دەکەن، کە پەیوەندییەکی نزیکیان لەگەڵ نەخۆشەکەدا هەبووە".

باکگراوند: ئاوڵەی مەیموون نەخۆشییەکی درمییە، بەهۆی جۆرە ڤایرۆسێکەوە دروست دەبێت و لەڕێگەی ئاژەڵە تووشبووەکانەوە بۆ مرۆڤ دەگوازرێتەوە، دواتریش لەڕێگەی بەرکەوتنی جەستەیی نزیکەوە لەنێوان مرۆڤەکاندا دەگوازرێتەوە. دەبێتە هۆی بەرزبوونەوەی پلەی گەرمی لەش و ئازاری ماسوولکەکان و پەڵەی پێست.