ڤاکسینێک بۆ ڕێگریکردن لە پیربوون دروست دەکرێت

ئاڤا نیوز

زانایانی زانکۆی زانست و تەکنەلۆژیای سیریوس لە ئەمریکا، کار لەسەر دروستکردنی ڤاکسینێک دەکەن بۆ درێژکردنەوەی تەمەنی چالاکی کەسانی بەساڵاچوو.

بڵاوکراوەی فەرمی: بەگوتەی زانایان، یەکێک لە هۆکارە سەرەکییەکان کە دەبێتە هۆی دروستبوونی نەخۆشییەکانی پەیوەست بە تەمەن، لاوازی سیستمی بەرگریی لەشە، ئەم لاوازییە دەبێتە هۆی هەوکردن و بۆ ماوەیەکی زۆر بەردەوام دەبێت، جگە لەمە لەش توانای ڕزگاربوون لە خانە پیرەکان لەدەست دەدات.

ئەوەی پێویستە بیزانیت: توێژەران ئاماژە بەوە دەکەن بۆ لابردنی خانە پیرەکان لە جەستەدا، دەبێت ئامانجێک یان نیشاندەرێکی گەردیلەیی بدۆزرێتەوە، کە ڕێگە بە دەرمانەکە بدات خانەکان دەستنیشان بکات و کاریگەرییان لەسەر دروست بکات.