تورکیا تووشبوون بە ئاوڵەی مەیموون ڕەتدەکاتەوە

ئاڤا نیوز 

ناوەندی بەرەنگاربوونەوەی هەواڵی چەواشەکارانە، سەر بە بەشی پەیوەندییەکانی سەرۆکایەتی کۆماری تورکیا، ڕەتیدەکاتەوە چوار کەس لە ئەنقەرە تووشی ئاوڵەی مەیموون بووبن.

وێنە گەورەکە: دوای ئەوەی پێنجشەممەی ڕابردوو هەواڵی بڵاوبوونەوەی نەخۆشی ئاوڵەی مەیموون لە تورکیا بڵاوکرایەوە، ئۆندەر ئۆکەی ئەمینداری گشتی سەندیکای پزیشکانی تورکیا ڕایگەیاند: "تا ئێستا هیچ داتایەک نییە ئاماژە بەوە بکات نەخۆشی ئاوڵەی مەیموون لە تورکیا بڵاوبووەتەوە".

ئەوەی پێویستە بیزانیت: ئۆندەر ئۆکەی جەختی کردەوە "وەزارەتی تەندروستی تورکیا لای خۆیەوە ڕێوشوێنی پێویستی خۆپارێزی گرتووەتەبەر"، ئاماژەی بەوەشکرد " لە نزیکەوە چاودێری دۆخەکە دەکەین و پێشنیارەکانی خۆمان لەگەڵ خەڵکدا بەشدار دەکەین سەبارەت بەو ڕێوشوێنە خۆپارێزییانەی، دەبێت پابەندبن پێیەوە".