توێژینەوە: باشترە خەیار بێ توێکڵ بخورێت

ئاڤا نیوز  

لە توێژینەوەیەکدا دەرکەوتووە، خەیار دەبێت جوان بشۆردرێت دواتر توێکڵەکەی لێبکرێتەوە پێش خواردنی.

بڵاوکراوەی فەرمی: دکتۆر یلینا سۆلۆماتینا، پسپۆڕی خۆراکی دەڵێت: توێژینەوەیەکی زانستی کە زانایانی ڕووسی ئەنجامیانداوە دەرکەوتووە، شۆردنی سەوزە و میوە پاشماوەی قڕکەرەکانیان بەتەواوی لانابات و قڕکەرەکان دەتوانن بچنە ناو توێکڵی سێو و خەیارەوە بۆیە باشتر وایە بە باشی بیشۆیت و دواتر توێکڵەکەی لێبکەیتەوە.

ئەوەی پێويستە بیزانیت: خەیار پاشماوەی قڕکەری لەسەر توێکڵەکەی هەیە، بۆیە دەبێت بە باشی بشۆردرێت یان بۆ ماوەیەکی کورت بخرێتە ناو ئاو و سۆدەوە باشترین ڕێگە ئەوەیە توێکڵەکەی لێبکرێتەوە لەکاتی پێدانی بە منداڵان یان ئەو کەسانەی کە تەندروستییان خراپە، دکتۆر یلینا وادەڵێت.