درۆن لە بەرەنگاری نەخۆشیدا بەکاردەهێنرێت

ئاڤا نیوز

 

فڕۆکەی بێ فڕۆکەوان بۆ بەرەنگاربوونەوەی مەلاریا، تای خوێنبەربوون و ڤایرۆسی زیکا بەکاردەهێنرێت.

 

چیرۆکی سەرەکی: فڕۆکە بێ فڕۆکەوانەکان، کە سندووقێکی پڕ لە مێشوولەی نێرینەی نەزۆکیان تێدایە بەسەر ناوچە بەئامانجگیراوەکاندا دەفڕن و مێشوولەکان بەڕەڵا دەکەن، بۆ ئەوەی لەگەڵ مێینەکاندا جووت بن، کە دەبێتە هۆکاری کەمکردنەوەی نەوەکانییان و بە ڕێگەیەکی کاریگەر و سەلامەت دادەنرێت.

 

ئەوەی پێویستە بیزانیت: بۆ ئەنجامدانی ئەم پرۆسەیە بە وردی و سەلامەتی، توێژەرانی پرۆگرامی جیهانیی مێشوولە (WMP) سیستمێکی ئۆتۆماتیکییان بۆ گواستنەوەی مێشوولە بە بەکارهێنانی فڕۆکەی بێ فڕۆکەوان پەرەپێدا، کە توانای هەڵگرتنی 160 هەزار مێشوولەی پێگەیشتووی هەیە.

 

زانیاری زیاتر: سیستمی ئۆتۆماتیکی دەتوانێت مێشوولە بە گرووپی بچووک بەڕەڵا بکات، هاوکات سیستمێکی کۆنترۆڵکردنی تێدایە، کە مێشوولەکان لە دۆخێکی بێهۆشکراو و تەندروستدا دەهێڵێتەوە تاوەکو بە گرووپی 150 مێشوولەیی بەڕەڵا بکرێن.