شاندێکی عێراق لێکۆڵینەوە لە داهاتی دەروازەی باشماخ دەکات

ئاڤا نیوز

 

دوو ڕۆژە شاندێکی وەزارەتی دارایی عێراق لە دەروازەی باشماخن و پێداچوونەوە بە ئاماری مانگەكانی چوار و پێنجی ئەمساڵ دەکەن.

 

وێنە گەورەکە: بەپێی یاسای بودجەی 2024 هەموو سێ مانگ جارێک پێویستە لیژنەیەکی چاودێریی دارایی سەردانی هەرێمی کوردستان بکات، وردبینی لە خەرجی، داهات، لیستی مووچە و میلاکاتی مانگەکان دەکەن.

 

لێدوانی فەرمی: شاخەوان بەكر، بەڕێوەبەری گومرگی باشماخ بە ئاڤا نیوزی گوت، "لیژنەکە بۆ پێداچوونەوە لە ئاماری  داهات و خەرجی مانگەكانی چوار و پێنجی ئەمساڵ سەردانی گومرگی باشماخیان كردووە".

 

ئەوەی پێویستە بیزانیت: لە ماوەی هەشت مانگی سەرەتای ئەمساڵ داهاتی دەروازەی باشماخ زیاتر لە 70 ملیار دینار بووە.