لە ئایسلاند ئەشکەوتێکی سەهۆڵ بەسەر گەشتیاران دادەڕمێت

ئاڤا نیوز

داڕمانێکی ئەشکەوتێکی گەشتیاری لە وڵاتی ئایسلاندی ئەوروپا، گیانلەدەستدان و برینداربوون و بێسەروشوێنبوونی لێکەوتەوە.

چیرۆکی سەرەکی: ئەمڕۆ دووشەممە لەکاتی سەردانکردنی گرووپێکی گەشتیاریی 25 کەسی، ئەشکەوتێکی سەهۆڵ لە باشووری ڕۆژهەڵاتی ئایسلاند داڕما و قوربانی لێکەوتەوە.

 

ڕاگەیێنراوی فەرمی: پۆلیسی ئایسلاند ڕایگەیاند، لە ڕووداوەکەدا کەسێک گیانی لەدەست داوە، دوو کەس بریندار بوون و دوو کەسیش بێسەروشوێنن.

ئەمەش بزانە: شوێنی ڕووداوەکە نزیکە لە دەریاچەی سەهۆڵبەندانی جۆکولسارلۆن، کە یەکێکە لە شوێنە گەشتیارییە بەناوبانگەکانی ئایسلەندا.