میسر بەردەوامبوونی شەڕی ئیسرائیل لە سنوورەکەی قبووڵ ناکات

ئاڤا نیوز

 

میسر ڕایگەیاندووە بەردەوامبوونی شەڕی ئیسرائیل و مانەوەی هێزەکانی ئەو وڵاتە بەدرێژایی ڕێڕەوی ستراتیژی دەروازەی فیلادلفیا، سنوورەکانی لەگەڵ کەرتی غەززە قبووڵ ناکات.

 

وێنە گەورەکە: قاهیرە کە ناوبژیوانێکی سەرەکییە لە هەوڵەکان بۆ دەستەبەرکردنی ئاگربەست لە نێوان ئیسرائیل و حەماس لە غەززە، "بۆ هەموو لایەنەکانی دووپاتکردەوە کە هیچ ئامادەبوونێکی ئیسرائیل قبووڵ ناکات".

 

بڵاوکراوەی فەرمی: میدیاکانی سەر بە دەوڵەتی میسر بڵاویان کردەوە، میسر ڕایگەیاندووە ئیدی مانەوەی سوپای ئیسرائیل لەو سنوورە قبووڵکراو نییە، کە دەبێتە هۆی بەردەوامی هێرشەکانی  بۆ سەر غەززە. 

 

ئەوەی پێویستە بیزانیت: ئەمە لەکاتێکدایە کە شەڕی حەماس و ئیسرائیل ماوەی زیاتر لە 10 مانگە لە کەرتی غەززە بەردەوامە، زۆربەی هاوکارییە مرۆییەکان لەڕێگەی دەروازەی ڕەفەح لە  سنووری میسر بۆ خەڵکی غەززە دەگوازرێتەوە.