ئافرەتێک دەبێتە گوتەبێژی حکومەتی ئێران

ئاڤا نیوز

 

فاتیمە مۆهاجرانی، دەبێتە گوتەبێژی کابینەی چواردەیەمینی حکومەتی ئێران.

 

وێنە گەورەکە: دوای دەستبەکاربوونی سەرۆککۆماری ئێران، گوتەبێژی حکومەت دیاریدەکرێت کە سەرەکیترین سەرچاوەی زانیاریی حکومەتە و بەرپرسە لە ڕاگەیاندنی پەیامەکانی حکومەت بۆ ڕای گشتی. 

 

ڕاگەیێنراوی فەرمی: بە پیێ ڕاگەیێنراوی فەرمی ماڵپەری سەرۆککۆماری ئێران، ئەمڕۆ 2024-08-28، بە فەرمانی مەسعود پزیشکیان، فاتیمە مۆهاجرانی وەک گوتەبێژی حکومەتی کۆماری ئیسلامی ئێران دەستبەکار دەبێت. 

 

زانیاریی زیاتر: بۆ یەکەمین جار لە مێژووی کۆماری ئیسلامی ئێران، ئافرەتێک دەبێتە گوتەبێژی حکومەت کە پێشتر شتی وا ڕووینەداوە. 

 

ئەمەش بزانە: مەسعود پزیشکیان، سەرۆککۆماری ئێران، عەبدولکەریم حوسێنزادە، پەرلەمانتاری کوردی سوننی، وەک جێگری خۆی دیاریکرد.