میدیای توركیا: فەرماندەیەكی عێراق لەسەر خستنەخوارەوەی درۆنەكە دەستگیركراوە

ئاڤا نیوز 

میدیای توركیا ئاشكرای دەكات، لەسەر دۆسیەی خستنەخوارەوەی درۆنەکەی تورکیا فەرماندەیەکی هێزی بەرگریی ئاسمانیی عێراق، دەستگیرکراوە.

وێنە گەورەکە: ڕۆژی 29-8-2024، درۆنێکی تورکی لە ئاسمانی کەرکووک لەلایەن سیستەمی بەرگریی ئاسمانیی عێراقەوە خرایە خوارەوە.

زانیاریی بەدەستهاتوو: ڕۆژنامەی یەنی شەفەقی تورکی زانیاریی نوێ ئاشکرا دەکات بڵاویكردووەتەوە: بە بڕیاری محەممەد شیاع سودانی سەرۆکوەزیرانی عێراق، عەبدوسەلام حەمودی، جێگری فەرماندەی بەرگریی ئاسمانی لە ناوچەی باکوور، لەسەر دۆسیەی خستنەخوارەوەی درۆنەکەی کەرکووک بانگهێشتی بەغدا کراوە و دەستگیر کراوە.

ئەوەی پێویستە بیزانیت: چەند ساتێک دوای خستنە خورەوەی درۆنە تورکییەکە، عەبدولسەلام حمودی، یەکێک لە فەرماندەکانی هێزی بەرگریی ئاسمانیی باکووری عێراق ڕایگەیاند: "درۆنێکی تورکیامان خستەخوارەوە کە ئاسمانی عێراقی بەبێ ئاگەدارکردنەوە بەزاندووە".