ئابووریی بەریتانیا لە پاشەکشەدایە

ئاڤا نیوز

لە سێ مانگی کۆتایی ساڵی ڕابردوودا، ئابووریی بەریتانیا کەتووەتە ناو دۆخی پاشەکشە. چاوەڕێ دەکرێت ئەم دۆخە بۆ شەش مانگی دیکەش بەردەوام بێت.

داتای فەرمی: بەگوێرەی داتاکانی فەرمانگەی ئاماری نیشتیمانیی بەریتانیا، کۆی گشتی بەرهەمی ناوخۆیی کە پێوانەیە بۆ چالاکی ئابووریی هەر وڵاتێک، بە ڕێژەی 0.3% کەمیکردووە. ئەمە لەکاتێکدایە پێشتریش لە ماوەی مانگەکانی نێوان تەممووز بۆ ئەیلوولدا، بە ڕێژەی 0.1% کەمی کردبوو. 

چاوەڕواننەکراوەکان: پاشەکشەی ئابووریی بەریتانیا لە سێ مانگی کۆتایی ساڵی ڕابردوودا زیاتر بووە لەو ڕێژەیەی ئابووریناسان و شارەزایانی بازاڕە داراییەکان پێشبینییان کردبوو - ئەوان پێشبینیی 0.1%یان کردبوو، نەک 0.3%. 

ئەمەش بزانە: داتا نوێکانی تایبەت بە دۆخی ئابووریی وڵات بە پێچەوانەی ئەو بەڵێنانەوەن کە سەرۆکوەزیران ڕیشی سوناک، لە سەرەتاکانی ساڵی 2023 بۆ باشترکردنی گەشەی ئابووریی بەریتانیای دابوون.