ئاسانکاریی نوێ بۆ هەڵگرانی ڤیزای چین دەکرێت

ئاڤا نیوز

 
بە گوێرەی کونسوڵخانەی چین لە هەولێر، هەر هاونیشتمانییەک بە یەک ڤیزا دووجار سەردانی چین بکات، جاری دووەمی لە پەنجەمۆر دەبەخشرێت. 

 

وێنە گەورەکە: چین وەک وڵاتێکی پیشەسازی پێشکەوتوو، لەسەر ئاستی جیهان بووەتە سەنتەرێکی کارای بازرگانی و لەگەڵ زۆربەی وڵاتانی جیهان ئاڵوگۆڕی لە بوارە جیاوازەکان هەیە.

 

ڕاگەیێنراوی فەرمی: کونسوڵخانەی چین لە هەولێر ڕایگەیاند: لە 2ی ئەیلولی ئەمساڵەوە تاوەکو 31ی کانوونی یەکەمی 2025، ئەوانەی داوای ڤیزای کورتخایەنی 180 ڕۆژی دەکەن، ئەگەر جاری دووەم بە هەمان ڤیزا گەشتی وڵاتی چین بکەن لە پەنجەمۆر دەبەخشرێن. 

باکگراوند: لە 28ی شووباتی ئەمساڵ، سەنتەری ڤیزای چین لە هەولێر کرایەوە، پێش کردنەوەی ئەو سەنتەرە تێچووی ڤیزا بۆ هاونیشتمانیانی هەرێمی کوردستان 500 دۆلار بوو، بەڵام دوای کردنەوەی سەنتەرەکە تێچووی هەر ڤیزایەک بوو بە 38 دۆلار.