قەبارەی دزیی سەدە ترلیۆنان دۆلارە

ئاڤا نیوز

 

بۆ یەکەمجار وردەکاری ئەو پارەیە ئاشکرا دەکرێت کە لە چوارچێوەی دۆسیەی "دزیی سەدە" لە بانکی ڕافیدەین ڕاکێشراوە، بڕەکەی سێ ترلیۆن و 800 مليار و 57 مليون دينار بووە.

 

وێنە گەورەکە: بەگوێرەی نووسراوێکی وەزارەتی دارایی عێراق لە  9ـی ئەیلوولی 2021 تاوەکو 11ـی ئابی 2022، بڕی 3.8 ترلیۆن دینار لە چەند هەژمارێکی بانکی ڕافیدەین بە کاش ڕاکێشراوە و دزراوە کە دواتر ڕووداوەکە بە دزی سەدە ناسرا، لەو کاتەشەوە تائێستا لێکۆڵینەوە لە تۆمەتبارەکان بەردەوامە و هەوڵەکانیش بۆ گەڕاندنەوەی ئەو پارەیە لەلایەن حکومەتی عێراقەوە چڕکراونەتەوە.

 

زانیاریی بەدەستهاتوو: ئاژانسی فەرمی هەواڵی عێراقی "واع" لە سەرچاوەەکی ئاگەدارەوە بڵاویکردەوە، ئەو پارەیەی لە چوارچێوەی دزی سەدەدا بردراوە، سێ ترلیۆن و 800 مليار و 57 مليون دينار بووە، هەموو ئەوانەشی لەناو دەستەی گشتیی باجەکان تۆمەتبارن لە دۆسییەکەدا دەستگیرکراون.

 

لەلایەکی دیکەوە: حەیدەر حەنوون، سەرۆکی دەستەی دەستپاکی عێراق ڕایگەیاند، وەزارەتی دارایی و دەستەی گشتیی باجەکان لایەنی لێکۆڵینەوەن لە قەبارەی ئەو پارەیەی دزراوە، بەڵام ئەوان جەخت دەکەنەوە کە لە دزینی ئەو پەرەیەدا هەندێک 'سەری گەورەی گەندەڵی' بوونیان هەیە.