ئیسرائیل هێزی زیاتر ڕەوانەی كەرتی ڕۆژئاوا دەكات

ئاڤا نیوز 

 

سوپای ئیسرائیل هێزی زیاتر ڕەوانەی كەرتی ڕۆژئاوا دەكات، چەندین تیمی پاسەوانی سنوور و پۆلیسیش وەک هێزی یەدەگ دادەنێت.

 

وێنە گەورەكە: ئاڵۆزی و پێكدادانەكان لە كەرتی ڕۆژئاوا لە فەڵەستین زیاتر دەبن، سوپای ئیسرائیل ئۆپەراسیۆنەكانی لە كەرتەكە زیاتر كردووە، بۆ ئەنجامدانی ئۆپەراسیۆنی نوێ، هێزی زیاتری ڕەوانەی ناوچەكە كردووە.

 

لێدوانی فەرمی: دانیال هاکاری، گوتەبێژی سوپای ئیسرائیل ڕایگەیاند: هێزەكانی پاسەوانی سنوور و پۆلیس و هێزی تایبەت وەک هێزی یەدەگ لە كەرتی ڕۆژئاوا جێگیركراون و ئامادەن بۆ ئەنجامدانی هەر ئۆپەراسیۆنێک لە ناوچەكە.

 

زانیاریی زیاتر: لە سەرەتای شەڕی نێوان سوپای ئیسرائیل و بزووتنەوەی حەماس لە كەرتی غەززە، سوپای ئیسرائیل زیاتر لە 90 جار كەرتی ڕۆژئاوای بۆردوومان كردووە و لە سەرەتای مانگی ئابی 2024ـەوە هێزێكی زۆری لە ناوچەكە كۆكردووەتەوە بۆ ئەنجامدانی ئۆپەراسیۆنی زەمینی.