کەرتی گەشتوگوزار لە ئیدارەی سەربەخۆی سۆران ڕێکدەخرێتەوە

ئاڤا نیوز

 

بەڕێوەبەری گشتیی گەشتوگوزاری سۆران ڕایگەیاند،  زۆرینەی پرۆژە گەشتیارییەکان دەچنە خانەی زێدەڕەوی بۆسەر موڵکی گشتی.

 

لێدوانی فەرمی: فەیسەڵ سادق، بەڕێوەبەری گشتیی گەشتوگوزاری سۆران، بە ئاڤا نیوزی ڕاگەیاند: زۆرینەی پرۆژە گەشتیارییەکان بە نائاسایی لەقەڵەم دەدەین و لەگەڵ مەرج و ڕێنماییەکان گەشتوگوزار یەکناگرنەوە، دەبێت پرۆژەکان بە فلتەری ئێمەدا تێپەڕن.

 

زانیاریی زیاتر: زۆرینەی پرۆژە گەشتیارییەکان لەلایەن یەکە ئیدارییەکانەوە وەک یەکەی نیشتەجێبوون مۆڵەتیان پێدراوە، دەچنە خانەی زێدەڕەوی لەسەر موڵکی گشتی. بەگوتەی فەیسەڵ سادق.

 

ئەوەی پێویستە بیزانیت: ئێستا لەسەر بنەما و کوالێتی ستانداردە نێودەوڵەتییەکان کار لەسەر ماستەر پلانێکی گشتگیر بۆ پەرەپێدانی کەرتی گەشتوگوزاری سۆران و ڕێکخستنەوەی دەکرێت.

 

 ئەمەش بزانە: بۆ پەرەپێدانی کەرتی گەشتوگوزاری لە ئیدارەی سەربەخۆی سۆران نەخشە ڕێگایەک دادەنرێت، ڕاستەوخۆ سەرۆکوەزیران بارزانی سەرپەرەشتی دەکات.