پاک: هەرگیز نەدەبوو ئیدارەی سلێمانی دەست بۆ ڕاگوێزانی زۆرەملێی پێشمەرگەکانی ڕۆژهەڵات ببات

ئاڤا نیوز

 

پارتی ئازادیی کوردستان لە ڕاگەیێنراوێکدا سەرکۆنەی "ڕاگوێزانی زۆرەملێی" پێشمەرگەکانی ڕۆژهەڵاتی کوردستانی کرد و ڕایگەیاند، هەرگیز نەدەبوو ئیدارەی سلێمانی دەست بۆ ڕاگوێزانی زۆرەملێی پێشمەرگەکانی ڕۆژهەڵات ببات.

 

لێدوانی فەرمی: "پارتی ئازادیی کوردستان سەرکۆنەی ڕاگوێزانی زۆرەملێ دەکات لەلایەن کاربەدەستانی سلێمانییەوە و دەڵێت: هەرسێ لایەنی کۆمەڵەیان ناچارکرد مل بە بڕیاری چۆڵکردنی کەمپە لە مێژیینەکان بدەن".

 

زانیاریی زیاتر: پاک دەشڵێت: "چۆڵکردنی ئەو کەمپانە و تەرحیلی دانیشتووانی بەشێکە لە پیلانگێڕییەکانی تاران دژی بزاڤی ڕزگاریخوازی ڕۆژهەڵاتی کوردستان".

 

لەلایەکی دیکەوە: لە ڕاگەیێنراوەکەی پارتی ئازادیی کوردستاندا هاتووە: هەرگیز نەدەبوو ئاستی چوونە بەر باری پیلانەکان بگاتە ئەو ڕادەیەی ئیدارەی سلێمانی دەست بۆ ڕاگوێزانی زۆرەملێی ماڵ و حاڵی پێشمەرگە و خاو و خێزانیەکانیان ببات و برینێکی وەها لەسەر دڵی ڕۆڵەکانی ڕۆژهەڵاتی کوردستان بکات.

باکگراوند: ماوەی ساڵێكە بەرپرسانی كۆمەڵەی زەحمەتكێشانی كوردستان ئاگادارکراونەتەوە كە بارەگاكانیان چۆڵ بكەن، بەڵام گوشاری هێزە ئەمنییەكانی سلێمانی لەم هەفتەیە زۆر زیادی كردووە و بە بەرپرسانی حیزبەكە گوتراوەكە "چیدیكە نابێت چۆڵكردنەكە دوابخرێت".