ئەنجوومەنی باڵای ئابووریی عێراق لە هەولێر گفتوگۆ لەسەر پرسی مووچە و هەژماری من دەکەن

ئاڤا نیوز

 

بە ئامادەبوونی سەرۆکوەزیران بارزانی کۆبوونەوەی ئەنجوومەنی باڵای ئابووریی عێراق بە سەرپەرشتیی فوئاد حوسێن لە هەولێر بەڕێوە دەچێت.

 

وێنە گەورەکە: کۆبوونەوەی ئەنجوومەنی باڵای ئابووریی عێراق لەگەڵ سەرۆکوەزیران بارزانی و وەزیرە پەیوەندیدارەکانی حکومەتی هەرێمی کوردستان لە هەولێر بەڕێوە دەچێت و بابەتەکانی مووچە و بودجە و جموجۆڵی بازرگانی و خاڵە سنوورییەکان تەوەری سەرەکی دەبن.

 

لێدوانی فەرمی: ڕێباز حەملان، ڕاوێژکاری ئابووریی سەرۆکوەزیران بارزانی ڕایگەیاند: کۆبوونەوەکەی ئەنجوومەنی باڵای ئابووریی عێراق بە سەرۆکایەتیی فوئاد حوسێن، وەزیری دەرەوەی عێراق و بەشداریی وەزیرانی دارایی و بازرگانی و کشوکاڵی عێراق و سەرۆک و پارێزگاری بانکی مەرکەزی و دەستەی وەبەرهێنانی عێراق دەکرێت.

 

لەلایەکی دیکەوە: ڕاوێژکاری ئابووریی سەرۆکوەزیران بارزانی گوتی: لەسەر بابەتەکانی مووچە و بودجە و خاڵە سنوورییەکان و جمۆجۆڵی بازرگانیی نێوان هەرێمی کوردستان و ناوەڕاست و باشووری عێراق، هاوکات کێشەکانی هەژماری من و تەوتین گفتوگۆ دەکرێت.

 

زانیاریی زیاتر: کۆبوونەوەی ئەنجوومەنی باڵای ئابووریی عێراق ماوەی دوو ڕۆژ لە هەولێر بەردەوام دەبێت و ئەنجامی کۆبوونەوەکان دەگەڕێنرێنەوە بۆ بەغدا، دواتر لە ئەنجوومەنی وەزیرانی عێراق بڕیاری لەسەر دەدرێت.