فڕۆکەیەک بەهۆی مەترسی تەقینەوەی لە تورکیا نیشتەوە

ئاڤا نیوز

فڕۆکەیەکی هێڵی فڕۆکەوانی ڤیستارا کە لە شاری مۆمبای هیندستانەوە بەرەو فرانکفۆرتی ئەڵمانیا گەشتی دەکرد، دوای ئەوەی ئاگاداردەکرێنەوە فڕۆکەکە بۆمبڕێژکراوە بەپەلە لە شاری ئەرزڕوومی تورکیا نیشتەوە.

 

چیرۆکی سەرەکی: دوای ئەوەی هەواڵی هەبوونی بۆمب بەدەستەی فڕۆکەوانی هێڵی ئاسمانی ڤیستارایە درا، ڕاستەخۆ بڕیاری نیشتنەوە دەدەن لە فڕۆکەخانەی ئۆردو، بەڵام بەهۆی ئەوەی کاری نۆژەنکردنەوە لەو فڕۆکەخانەیە ئەنجام دەدرێت ئاڕاستەی ترابزۆن دەکرێت، دووبارە بەهۆی ئەوەی هاتوچۆ لە ئاسمانی ناوچەکە قورسە بە ناچاری لە ئەرزڕووم دەنیشێتەوە.

 

لێدوانی فەرمی: موستەفا چیفتجی، پاڕێزگاری ئەرزڕووم بە کەناڵی هەواڵی تەرەتەی ڕاگەیاند: دوای نیشتنەوەی فڕۆکەکە ڕاستەوخۆ سەرنشینەکان لەناو فڕۆکەکە ڕزگارکراون، ڕاستەوخۆ تیمی پوچەڵکردنەوەی بۆمب چوونەتە ناو فرۆکەکە و فڕۆکەخانەکەش داخراوە.

 

زانیاریی زیاتر: لە کاتێکدا فڕۆکەکە شوێنی 600 سەرنشینی تێدادەبێتەوە، تەنیا 247 سەرنشینی هەڵگرتووە.