دوو بوومەلەرزە باکووری کوردستان دەهەژێنێت

ئاڤا نیوز

 

دوو بوومەلەرزە بە گوڕی 3.5 و 5 پلەی ڕێختەر، بە قووڵای 7 کیلۆمەتر پارێزگای مەراشی باکووری کوردستانی هەژاند، تاوەکو ئێستا هیچ زیانێکی دیاری نەکراوە.

چیرۆکی سەرەکی: بەرەبەیانی ئەمڕۆ کاتژمێر 9:31 ی خوولەک، دوو بوومەلەرزە باکووری کوردستان دەهەژێنن، یەکەم بە گوڕی 3.5 و دووەمیان بە گوڕی 5 پلەی ڕێختەر، لە قەزای پەزارجلکی سەر بە پارێزگای مەڕاشی باکووری کوردستان ڕوویدا، لە غازی عەنتەپ و ئەدەنە و عوسمانیەش هەستی پێکراوە.

لێدوانی فەرمی: محەممەد کایە، قائیمقامی قەزای پەزارجلک بە تەرەتە خەبەری ڕاگەیاندووە: تاوەکو ئێستا هیچ زیانێک دیاری نەکراوە و گەڕان و پشکنین لەلایەن تیمی پشکنینی ئەفاد بەردەوامە.

 

زانیاریی زیاتر: بەپێی زانیارییە سەرەتاییەکان هیچ ڕووداوێکی ڕووخان و گیان لەدەستدان ڕووی نەداوە.

 

ئەوەی ئێستا ڕوودەدات: خەڵكی لە ترسی دووبارە بوونەوەی بوومەلەرزە، هاتوونەتە درەوە و ماڵەکانیان چۆڵکردووە.