سبەی هاوکاریی دارایی بەسەر دووکاندارانی قەیسەری دابەش دەکرێت

ئاڤا نیوز 

 

 48 کاتژمێر دوای سەردانەکەی سەرۆکوەزیران بارزانی بۆ بازاڕی قەیسەری هەولێر، هاوکاریی دارایی سەرۆکی حکومەت بەسەر زیانلێکەوتووانی بازاڕی قەیسەری هەولێر دابەش دەکرێت.

 

وێنە گەورەکە: هەفتەی ڕابردوو پارێزگاری هەولێر ڕایگەیاند،  زیانلێکەوتووانی قەیسەری هاوکاری دەکرێن لە دوو ملیۆن دینار بۆ بیست ملیۆن دینار بەپێی قەبارەی زیانیان، هاوکات دووکانەکانیش بۆ کاسبکاران نۆژەن دەکرێنەوە.

 

لێدوانی فەرمی:  ئومێد خۆشناو، پارێزگاری هەولێر بە ئاڤا نیوزی ڕاگەیاند، "لە 08-09-2024، کاتژمێر 07:00ـی ئێوارە، هاوکاریی دارایی سەرۆکوەزیران بارزانی، بەسەر دووکاندارە زیانلێکەوتووانی بازاڕی قەیسەری لەناو باڵەخانەی پارێزگای هەولێر  دابەش دەکرێت".

 

باکگراوند: شەوی 05-05- 2024، ئاگر لە بازاڕی قەیسەریی هەولێر کەوتەوە و بووە هۆی سووتانی 247 دووکان، دوای نزیکەی دوو مانگ و لە  01-07-2024 وەزارەتەکانی ناوخۆی هەرێمی کوردستان و عێراق دەستگیرکردنی "تۆڕێکی پەکەکەی سێ کەسی"یان بەتۆمەتی سووتاندنی بازاڕەکانی هەولێر، دهۆک و کەرکووک ڕاگەیاند.