ڕاگەیێنراوێک لە وەزارەتی داراییەوە لەبارەی ناوەڕۆکی کۆبوونەوەی شاندی حکومەتی عێراق و هەرێمی کوردستان

 

 

 

ناوەڕۆكی كۆبوونەوەی ئەنجوومەنی وەزاریی عێراق بۆ ئابووری و ئەنجوومەنی ئابووریی هەرێمی کوردستان ئاشكرا كرا.

     
وێنە گەورەکە: ئەمڕۆ یەکشەممە 8-9-2024، بە ئامادەبوونی سەرۆکوەزیران بارزانی، کۆبوونەوەی هەردوو ئەنجوومەنی وەزاریی عێراق بۆ ئابووری و ئەنجوومەنی ئابووریی هەرێمی کوردستان لە شاری هەولێر بەڕێوەچوو.

 

ڕاگەیێنراوی فەرمی: وەزارەتی دارایی و ئابووریی حكومەتی هەرێمی كوردستان ڕایگەیاند: کۆبوونەوەکە لە کەشێکی ئەرێنی و بەرپرسیارانەدا بەڕێوەچوو، هەردوولا هاوڕابوون لەسەر چارەسەری کێشە هەڵپەسێردراوەکانی نێوانیان بەتایبەت ئەو کێشانەی ڕەهەندی دارایی  و ئابوورییان هەیە لە سەر بنەمای یاسا و دەستوور.

   
      
زانیاریی زیاتر: لە کۆبوونەوەکە پرسی بودجە و مووچەی فەرمانبەرانی هەرێمی کوردستان و کێشەکانی تایبەت بە گومرگ و خاڵە سنووریەکان و ڕێكارەکانی باج گفتوگۆیان لەبارەوە کرا. هەردوولا هاوڕابوون میکانیزمی هاوبەش بۆ چارەسەری کێشەکان بدۆزرێنەوە. 

      
ئەوەش بزانە: بڕیارە کۆبووەنەوەکان سبەی دووشەممە درێژەی هەبێت و چاوەڕوان دەکرێت، ئەنجامەكانی لە بەرژەوەندیی فەرمانبەران و مووچەخۆران و خانەنشینانی هەرێمی کوردستان بێت.