لافاو لە مەغریب قوربانیی لێدەکەوێتەوە

ئاڤا نیوز

 

بەهۆی بارانی بەخۆرەوە لافاوێکی گەورە لە ڕۆژهەڵاتی مەغریب دروستبووە کە بووەتە هۆی مردنی چەند کەسێک و تێکچوونی ڕێگاوبانی ناوچەکە. 

 

وێنە گەورەکە: ماوەی شەش ساڵە مەغریب بەدەست وشکەساڵیەوە دەناڵێنێت، بەڵام ئەمرۆ بەهۆی دروستبوونی لافاو لە وڵاتە تا ئێستا 8 کەس مردوون و 15 کەسیش بێسەروشوێنن. 

 

ڕاگەیێنراوی فەرمی: عومەر باهۆش، سەرۆکی شارەوانی دەڤەری تەمانارت بە کەناڵی 2ی خۆجێیی ڕاگەیاند: "تەرمی هەشت کەس دەرهێنراونەتەوە، هاوکات 15 کەسی دیکەش تا ئێستا بێسەروشوێنن و چەند ماڵێکیش لە شاری تاتا داڕماون".

 

زانیاریی زیاتر: لافاو ڕێگاوبانەکانی پەکخستووە و هێڵی پەیوەندییەکانی شارەکەی پچڕاندووە، ئەمەش وایکردووە بەوردی دیاریکردنی ژمارەی بێسەروشوێنەکان قورس بێت.