سەرۆکی پێشووی شارەوانی دهۆک و دوو فەرمانبەر زیندانی دەکرێن

ئاڤا نیوز

بەهۆی "دزینی موڵک و ماڵی گشتی" سەرۆکی پێشووی شارەوانی دهۆک و دوو فەرمانبەر دەستگیر دەکرێن و بە زیندانیکردن سزا دەدرێن.

زانیاریی بەدەستهاتوو: سەرچاوەیەکی ئاگەدار بە ئاڤا نیوزی ڕاگەیاند: "بەتۆمەتی دزینی ماڵی گشتیی، بڕیاری شەش مانگ زیندانیکردن بۆ سەرۆکی پێشووی شارەوانی دهۆک (ئـ،یـ،ع) دەرکراوە و دوو فەرمانبەری بەشی ژمێریاری بەڕێوەبەرایەتییەکەش بە ساڵێک زیندانیکردن سزادراون".

هۆکارە زانراوەکان: ئەو سێ کەسە کە یەکێکیان ژنە، لە شاروانی دهۆک زەوی حکومەتیان بۆ خۆیان فرۆشتووە و ماڵی گشتییان بردووە.

زانیاریی زیاتر: ئاڤا زانیویەتی دادگا بڕیاری داوە هەر لەسەر ئەم کەیسە لێکۆڵینەوە لەگەڵ سێ فەرمانبەری دیکەی شارەوانی دهۆک بکرێت کە گومان دەکرێت ئەوانیش لەم پرسەدا تێوەگلابن.

لەلایەکی دیکەوە: پارێزەر بەهائەدین دەشتانی بە ئاڤا نیوزی ڕاگەیاند، بەپێی یاسا هەر فەرمانبەرێک ساڵێک زیندانی بکرێت، مافی دووبارە گەڕانەوەی بۆ سەر کارەکەی نامێنێت.