سەرۆکوەزیران بارزانی بۆ لووتکەی جیهانیی کەشوهەوا بانگهێشت کرا

ئاڤا نیوز

 

باڵیۆزی ئازەربایجان لە عێراق بەفەرمی سەرۆکوەزیران بارزانی بۆ لووتکەی جیهانیی کەشوهەوا لە باکو بانگهێشت دەکات.

 

وێنە گەورەکە: ئەمڕۆ دووشەممە سەرۆکوەزیران بارزانی لەگەڵ نەسیر مەمەدۆڤ، باڵیۆزی کۆماری ئازەربایجان لە عێراق کۆبووەوە.

 

ڕاگەیێنراوی فەرمی: باڵیۆزی ئازەربایجان، سڵاو و ڕێزی سەرۆککۆماری ئازەربایجانی بە سەرۆکوەزیران بارزانی گەیاند و بانگهێشتی لووتکەی جیهانیی کەشوهەوا (COP29)ـی کرد، کە بڕیاڕە لە مانگی11ی ئەمساڵ لە باکوی پایتەختی ئازەربایجان ببەسترێت.

 

لەلایەکی دیکەوە: گفتوگۆ لەبارەی پەرەپێدانی پەیوەندیی دوولایەنە لە بوارە جۆراوجۆرەکاندا کرا و هەنگاوەکانی کردنەوەی کونسوڵخانەی گشتیی ئەو وڵاتە و دەستپێکردنەوەی گەشتی ئاسمانیی ڕاستەوخۆی نێوان باکو و هەولێر تاوتوێ کرا.

 

ئەمەش بزانە: سەرۆکوەزیران بارزانی خواستی هەرێمی کوردستانی بۆ بەهێزکردنی پەیوەندییەکان لەگەڵ کۆماری ئازەربایجان دووپات کردەوە.