ئایا تورکیا لە ناتۆ دەکشێتەوە؟

ئاڤا نیوز

 

شرۆڤەکارێکی سیاسی تورکی دەڵێت: لە چەند ساڵانی داهاتوو تورکیا لەناو ناتۆ نامینێت.

 

لێدوانی فەرمی: سێرهات لەتیف ئۆغڵو، شرۆڤەکاری سیاسی ڕایگەیاند: " لە ساڵانی داهاتوودا بەدڵنیاییەوە تورکیا لە ناتۆ دەردەچێت، یان تورکیا ناچار دەبێت هاوپەیمانیەکە بەجێبهێڵێت، لە داهاتوویەکی نزیکدا ئەوە دەبینین''. 

 

ئەوەی پێویستە بیزانیت: تورکیا بە فەرمی داواکاریی ئەندامبوونی پێشکەش ڕێکخراوی بازرگانیی بریکس کردووە، وڵاتانی گرووپەکە لە مانگی داهاتوودا لە ڕووسیا، لێکۆڵینەوە لەسەر داواکارییەکەی تورکیا دەکەن.  

 

باکگراوند: تورکیا لە ساڵی 1952وە بووەتە ئەندامی فەرمی ناتۆ، لەو کاتەوە ناتۆ بەردی بناغەی سیاسەتی بەرگری و ئاسایشی تورکیا بوو.