هەولێر و بەغدا لەبارەی مووچەی گەیشتنە ڕێککەوتن

ئاڤا نیوز 

 

گوتەبێژی حكومەتی هەرێمی كوردستان ڕایگەیاند، هەولێر و بەغدا لەبارەی مووچەوە گەیشتنە ڕێككەوتن.

 

وێنە گەورەکە: ڕۆژانی یەکشەممە و دووشەممە 08 و 09-09-2024 بە سەرپەرشتیی سەرۆکوەزیران بارزانی، ژمارەیەک کۆبوونەوە لەنێوان هەردوو ئەنجوومەنی وەزاریی عێراق بۆ ئابووری و ئەنجوومەنی ئابووریی هەرێمی کوردستان لە شاری هەولێر بەڕێوەچوو.

 

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان تایبەت بە ئاڤا نیوزی ڕایگەیاند: ھەردوو ئەنجوومەنی وەزاریی ئابووریی ھەرێمی كوردستان و عێراق لەبارەی پرسی مووچە ڕێککەوتن کە حکومەتی فیدراڵ مانگانە مووچەی فەرمانبەران ڕەوانە بکات و لە بەرامبەردا حکومەتی ھەرێمی كوردستان تاوەکو سەری ساڵ کێشە تەکنیکییەکان چارە بکات.

 

زانیاریی بەدەستهاتوو: بەپێی زانیارییەكانی ئاڤا نیوز، لە ماوەی دوو ڕۆژدا لیژنە هاوبەشەکان زنجیرەیەک کۆبوونەوەیان كردووە و لەسەر زۆرینەی پرسەكان ڕێككەوتن كراوە.

 

زانیاریی زیاتر: ئەمانەی خوارەوە بابەتە سەرەكییەكانی كۆبوونەوەكان بوون:-

 

پرسی دارایی: تێبینییەکانی بەغدا لەبارەی لیستی مووچە و ڕادەستکردنی داهاتەکان

 

گومرگ و بازرگانی: چارەسەری ڕاگرتنی هەناردەی بەرهەمی کۆمپانیاکانی هەرێمی کوردستان لە ڕێگەی دەروازە سنوورییەکانەوە بۆ پارێزگاکانی عێراق.

 

کشتوکاڵ: هەناردەی بەرهەمی نێوخۆییەکان و ناردنی پارەی گەنمی جووتیاران، هاوکات بەهێزکردنی هەماهەنگی بۆ برەودانی زیاتر بە کەرتی کشتوکاڵ و یەکخستنی ڕێکارەکان بۆ قەدەغەی هاوردەی بەرهەمی دەرەکی بەگوێرەی پێویستی و زیادکردنی پشتیوانی بۆ بەرهەمی ناوخۆ.