پەرلەمانتارێکی پێشووی عێراق دەستگیر دەکرێت

ئاڤا نیوز

 

دوای نزیکەی ساڵ و نیوێک لە دادگاییکردنی، پۆلیسی عێراق بە تۆمەتی ساختەکاری و گەندەڵی پەرلەمانتارێکی پێشووی دەستگیر کرد. 

 

وێنە گەورەکە:  ئەمە یەکەم جار نییە بەرپرسانی عێراق فەرمانی دەستگیرکردن و سزادانیان بۆ دەردەچێت، لە هەفتەی ڕابردوودا ڕاوێژکارێکی مستەفا کازمی، سەرۆکوەزیرانی پێشووی عێراق بە حەوت ساڵ زیندانیکردن سزا درا.

 

زانیاریی بەدەستهاتوو: لە 10ی ئەیلوولی 2024 عەبدوڵڵا خەربیت، پەرلەمانتاری پێشووی عێراق لە پارێزگای بەغدا دەستگیرکرا و دادگایی دەکرێت.

 

ئەوەش بزانە: لە مانگی نیسانی ساڵی 2023 فەرمانی دەستگیرکردن بۆ عەبدوڵڵا خەربیت دەرچووە، لەگەڵ دەستگیرکردنی بە پێدانی بڕێک پارەش سزا دەدرێت بەپێی ماددەی 459ی یاسای سزادانی عێراق بەهۆی تۆمەتبارکردنی بە دەرکردنی چەکی بانکیی بێ باڵانس.