نێچیرڤان بارزانی و هاکان فیدان هەناردەکردنەوەی نەوتی کوردستان تاوتوێ دەکەن

ئاڤا نیوز

نێچیرڤان بارزانی، سەرۆکی هەرێمی کوردستان، لەگەڵ هاکان فیدان، وەزیری دەرەوەی تورکیا کۆبووەوە و " هەناردەکردنەوەی نەوتی هەرێم" بابەتی سەرەكیی کۆبوونەوەکەیان بووە.

زانیاری بەدەستهاتوو: لە پەراوێزی شەستەمین کۆنفرانسی ئاسایشی میونشن کە لە ئەڵمانیا بەڕێوەدەچێت، نێچیرڤان بارزانی سەرۆکی هەرێمی کوردستان لەگەڵ هاکان فیدان وەزیری دەرەوەی تورکیا کۆبووەوە. بیروڕایان لەبارەی دوایین پێشهاتەکانی ناوچەکە ئاڵوگۆڕ کردووە.

بۆچی گرنگە: لە کۆبوونەوەکەدا، هاوکاری تورکیا لەگەڵ عێراق و هەرێمی کوردستان لە پێناو پاراستنی ئاسایش و سەقامگیری و بەرەنگاربوونەوەی هەڕەشەکان بۆ سەر ئاسایش و سەقامگیری هەردوو وڵات تاوتوێ کراوە و هەناردەکردنەوەی نەوتیش لە بەرنامەی کاری کۆبوونەوەکەدا بووە.

باکگراوند: ئەمڕۆ کۆنفڕانسی ئاسایشی میونشن دەستی بەکارەکانی کرد. لە ماوەی دوو ڕۆژدا دەیان پانێڵ بەڕێوەدەچن و لە پەراوێزی کۆنفڕانسەکەشدا دەیان کۆبوونەوە ئەنجام دەدرێن.